«Barselona» prezidenti Joan Laporta Kataloniya klubi yozda nechta futbolchini sotib olishni rejalashtirayotganini aytdi.

«Maqsadlar to‘g‘risida ozmi-ko‘pmi qaror qildik. Agar kimdir bizni tark etsa, nimadir o‘zgarishi mumkin. Yozda kamida 4 nafar futbolchi bilan shartnoma imzolaymiz. Biz himoya, yarim himoya va hujum chizig‘ni kuchaytirmoqchimiz», - deya Laportaning so‘zlarini keltiradi El Periodico.

«Barselona» La Liganing 28 o‘yinida 54 ochko to‘plagan va turnir jadvalida peshqadam «Real Madrid»dan 12 ochko (66) ortda qolgan holda 3-o‘rinda bormoqda.