Jurnalist Nikolo Skiraning xabar berishicha, «Chelsi» vingeri Markos Alonso faoliyatini «Atletiko Madrid»da davom ettirishi mumkin.
Ispaniyalik futbolchining London klubi bilan shartnomasi 2023 yilning yoziga qadar tuzilgan. Transfermarkt portali 31 yoshli himoyachini 15 million yevroga baholamoqda.
Alonso joriy mavsumda barcha turnirlarda 32 ta o‘yinda maydonga tushib, 2 ta gol va 3 ta golli uzatmani amalga oshirdi.
Eslatib o‘tamiz, futbolchi «Real Madrid» tarbiyalanuvchisi hisoblanadi. Alonso 2016 yilning avgustida Italiyaning «Fiorentina»sidan 27 million evaziga «Chelsi» futbolchisiga aylandi.