«Birmingem»da ijara asosida o‘ynayotgan «Manchester Yunayted» yarim himoyachisi Taxit Chong yanvar oyida talonchilarga uchragan, deb xabar beradi The Sun.

Manbaga ko‘ra, 16 yanvarga o‘tar kechasi Chongning uyiga pichoq bilan qurollangan uchta qaroqchi bostirib kirgan. Ular uxlab yotgan futbolchining oldiga kirib, zargarlik buyumlarini berishni talab qilib, uning bo‘yniga sovuq qurol qo‘yishdi.

Polisiya hisobotida ta’kidlanishicha, o‘g‘rilar Chongning uyidagi past darajadagi xavfsizlikni masxara qilishgan, shu sababli futbolchi ruhiy holat sabab ruhshunosga borishga majbur bo‘lmoqda.