Braziliyalik sobiq himoyachi Kafu «Bavariya» hujumchisi Robert Levandovskining kelajagi haqida o‘z fikrlari bilan o‘rtoqlashdi.
«Levandovski nega «Bavariya»ni tark etadi?» — Kafuning so‘zlarini keltiradi Spox. «U o‘zi shundoq ham ajoyib jamoada o‘ynaydi. «Bavariya»da o‘ynash Levandovskiga dunyoning eng yaxshi futbolchilaridan biriga aylanishiga yordam berdi»
Levandovski ushbu mavsumda «Bavariya» safida barcha turnirlar doirasida 37 ta o‘yinda 45 ta gol va 4 ta golga assistentlik qildi. Hujumchining Myunxen klubi bilan shartnomasi 2023 yilning 30 iyuniga qadar mo‘ljallangan.
Avvalroq, «Barselona» 33 yoshli polshalik uchun 60 million yevrogacha to‘lashga tayyorligi xabar qilingandi.