Бразилиялик собиқ ҳимоячи Кафу «Бавария» ҳужумчиси Роберт Левандовскининг келажаги ҳақида ўз фикрлари билан ўртоқлашди.

«Левандовски нега «Бавария»ни тарк этади?» — Кафунинг сўзларини келтиради Spox. «У ўзи шундоқ ҳам ажойиб жамоада ўйнайди. «Бавария»да ўйнаш Левандовскига дунёнинг энг яхши футболчиларидан бирига айланишига ёрдам берди»

Левандовски ушбу мавсумда «Бавария» сафида барча турнирлар доирасида 37 та ўйинда 45 та гол ва 4 та голга ассистентлик қилди. Ҳужумчининг Мюнхен клуби билан шартномаси 2023 йилнинг 30 июнига қадар мўлжалланган.

Аввалроқ, «Барселона» 33 ёшли полшалик учун 60 миллион еврогача тўлашга тайёрлиги хабар қилинганди.