«Barselona» prezidenti Joan Laporta bosh murabbiy Ronald Kumanning Kataloniya klubidan iste’foga chiqarilishi tafsilotlarini oshkor qildi.
«Biz Ronald bilan gaplashdik», - deya Laportaning so‘zlarini keltiradi Mundo Deportivo. «Kuman mendan «Barselona»ga menejer sifatida mos keldimmi, deb so‘radi. Men juda aniq javob berdim, yo‘q, mos kelmading. Ammo shunday bo‘lsa-da, biz unga ikkinchi imkoniyat berishga qaror qildik. Bu jamoada katta zarar bo‘ldi, o‘yinchilarning motivasiyasi susaydi».
Kataloniya klubi prezidentining so‘zlariga ko‘ra, qaysidir payt u Kuman noto‘g‘ri yo‘ldan ketayotganini ko‘rgan.
«Men Kumanning ishdan ketganiga afsuslanmayman va men hamma narsani «Barselona» manfaati uchun qilaman. Men vijdonimga qarab ish qilmasamgina afsuslanaman. Bu holatda bunday bo‘lmagan», - deydi u.
Kuman 2020 yilning avgustidan 2021 yilning oktyabrigacha «Barselona» bosh murabbiyi edi. 2020/21 yilgi mavsumda uning boshchiligidagi Kataloniya klubi Ispaniya kubogini qo‘lga kiritdi va La Ligada uchinchi o‘rinni egalladi.
