«Барселона» президенти Жоан Лапорта бош мураббий Роналд Куманнинг Каталония клубидан истеъфога чиқарилиши тафсилотларини ошкор қилди.

«Биз Роналд билан гаплашдик», - дея Лапортанинг сўзларини келтиради Mundo Deportivo. «Куман мендан «Барселона»га менежер сифатида мос келдимми, деб сўради. Мен жуда аниқ жавоб бердим, йўқ, мос келмадинг. Аммо шундай бўлса-да, биз унга иккинчи имконият беришга қарор қилдик. Бу жамоада катта зарар бўлди, ўйинчиларнинг мотивацияси сусайди».

Каталония клуби президентининг сўзларига кўра, қайсидир пайт у Куман нотўғри йўлдан кетаётганини кўрган.

«Мен Куманнинг ишдан кетганига афсусланмайман ва мен ҳамма нарсани «Барселона» манфаати учун қиламан. Мен виждонимга қараб иш қилмасамгина афсусланаман. Бу ҳолатда бундай бўлмаган», - дейди у.

Куман 2020 йилнинг августидан 2021 йилнинг октябригача «Барселона» бош мураббийи эди. 2020/21 йилги мавсумда унинг бошчилигидаги Каталония клуби Испания кубогини қўлга киритди ва Ла Лигада учинчи ўринни эгаллади.