Fransiya terma jamoasi hujumchisi Olivye Jiru terma jamoaga qaytish haqidagi taassurotlari bilan o‘rtoqlashdi.

«Terma jamoaga qaytganimdan va do‘stlarimni yana ko‘rganimdan xursandman. Mening bir nechta maqsadlarim bor, ulardan biri Tyerri Anrini ortda qoldirishdir», - deya Jiruning so‘zlarini keltiradi Telefoot.

Eslatib o‘tamiz, Jiruda Fransiya terma jamoasi tarixidagi to‘purarlar ro‘yxatida Anridan o‘zib ketish uchun yaxshi imkoniyat bor. Ayni damda milanlik hujumchi afsonaviy hamyurtidan 4 ta gol ortda qolmoqda.

Shuningdek, Jiru jahon chempionatiga zaxira o‘yinchisi bo‘lib borishga ham tayyor ekanligini aytdi.

35 yoshli Jiru joriy mavsumda 21 ta o‘yinda 8 ta gol va 4 ta golli uzatmani amalga oshirdi. 2018 yilda hujumchi o‘z terma jamoasi tarkibida jahon chempionligini qo‘lga kiritdi.