Франция терма жамоаси ҳужумчиси Оливье Жиру терма жамоага қайтиш ҳақидаги таассуротлари билан ўртоқлашди.

«Терма жамоага қайтганимдан ва дўстларимни яна кўрганимдан хурсандман. Менинг бир нечта мақсадларим бор, улардан бири Тьерри Анрини ортда қолдиришдир», - дея Жирунинг сўзларини келтиради Telefoot.

Эслатиб ўтамиз, Жируда Франция терма жамоаси тарихидаги тўпурарлар рўйхатида Анридан ўзиб кетиш учун яхши имконият бор. Айни дамда миланлик ҳужумчи афсонавий ҳамюртидан 4 та гол ортда қолмоқда.

Шунингдек, Жиру жаҳон чемпионатига захира ўйинчиси бўлиб боришга ҳам тайёр эканлигини айтди.

35 ёшли Жиру жорий мавсумда 21 та ўйинда 8 та гол ва 4 та голли узатмани амалга оширди. 2018 йилда ҳужумчи ўз терма жамоаси таркибида жаҳон чемпионлигини қўлга киритди.