«Manchester Yunayted» yaqinlashib kelayotgan transfer oynasida Edinson Kavanining o‘rniga Risharlisonni sotib olishni rejalashtirmoqda. Biroq, «Lids»ning sobiq futbolchisi Noel Uilan mankunianliklarni braziliyalikni sotib olishga shoshilmaslikka chaqirdi.
«Menimcha, «Manchester Yunayted»ga jamoa uchun kerakli bo‘lgan futbolchilarni aniqlash uchun vaqt kerak. Risharlison bu ro‘yxatga kiritilmagani aniq.
Birinchidan, klub murabbiyni tanlashi kerak. So‘nggi paytlarda «Manchester Yunayted»ga mutaxassislar borasida omad yetishmadi. Jamoaning o‘ziga xosligi, aniq belgilangan o‘yini yo‘q. Shuning uchun, avvalo, kuchli murabbiyni taklif qilish kerak va shundan keyingina o‘yinchilarni sotib olish haqida o‘ylash kerak.
Risharlison «Manchester Yunayted» muammolarini hal qilishga yordam beradi deb o‘ylamayman. Klub jamoa darajasiga to‘g‘ri kelmaydigan futbolchilar bilan xayrlashishi kerak. Oldinda qilinadigan ishlar ko‘p», - dedi Uilan.
