«Манчестер Юнайтед» яқинлашиб келаётган трансфер ойнасида Эдинсон Каванининг ўрнига Ришарлисонни сотиб олишни режалаштирмоқда. Бироқ, «Лидс»нинг собиқ футболчиси Ноэль Уилан манкунианликларни бразилияликни сотиб олишга шошилмасликка чақирди.

«Менимча, «Манчестер Юнайтед»га жамоа учун керакли бўлган футболчиларни аниқлаш учун вақт керак. Ришарлисон бу рўйхатга киритилмагани аниқ.

Биринчидан, клуб мураббийни танлаши керак. Сўнгги пайтларда «Манчестер Юнайтед»га мутахассислар борасида омад етишмади. Жамоанинг ўзига хослиги, аниқ белгиланган ўйини йўқ. Шунинг учун, аввало, кучли мураббийни таклиф қилиш керак ва шундан кейингина ўйинчиларни сотиб олиш ҳақида ўйлаш керак.

Ришарлисон «Манчестер Юнайтед» муаммоларини ҳал қилишга ёрдам беради деб ўйламайман. Клуб жамоа даражасига тўғри келмайдиган футболчилар билан хайрлашиши керак. Олдинда қилинадиган ишлар кўп», - деди Уилан.