Ispaniyaning “Vilyarreal” klubi bosh murabbiyi Unai Emeri xalqaro maydondagi ishtiroki haqida gapirdi. Emeri Chempionlar ligasida g‘alaba qozonishni istashini aytdi.
“Biz “Yuventus”ni musobaqadan chiqarib yubordik, "Yuve"ni ba’zilar turnir favoritlaridan biri deb aytishgandi. Endi biz "Bavariya" bilan kurashishimiz kerak. Bundan ham qiyinroq bo‘ladi. Lekin biz harakat qilamiz.
Har bir insonning o‘z orzusi bo‘ladi. Lekin ularni amalga oshirish uchun ko‘p mehnat qilish kerak. Kelgusi mavsumda yevrokuboklarda o‘ynashni juda xohlayman. Men ham Chempionlar ligasida g‘alaba qozonishni xohlayman. "Vilyarreal"da bunday imkoniyat bor, men bunga aminman", - deydi Emeri.
