«Yuventus» himoyachisi Jorjio Kyellini yozgi transferlar vaqtida Turin klubini tark etishi mumkin, deya xabar beradi Football Italia.
Manbaga ko‘ra, 37 yoshli italiyalik MLS jamoalaridan biriga o‘tishni o‘ylamoqda.
Qayd etilishicha, Kyellini kelajakda Turinga qaytib, rahbarlik lavozimini egallash uchun boshqaruv tajribasiga ega bo‘lishni istaydi. Shu sabab u AQSHga borib, u yerda biroz tajriba to‘plamoqchi.
Kyellini joriy mavsumda «Yuventus» safida 17 ta o‘yinda maydonga tushib, gol ura olmadi. Himoyachining Turin klubi bilan shartnomasi 2023 yilning 30 iyuniga qadar mo‘ljallangan.