«Ювентус» ҳимоячиси Жоржио Кьеллини ёзги трансферлар вақтида Турин клубини тарк этиши мумкин, дея хабар беради Football Italia.
Манбага кўра, 37 ёшли италиялик МЛС жамоаларидан бирига ўтишни ўйламоқда.
Қайд этилишича, Кьеллини келажакда Туринга қайтиб, раҳбарлик лавозимини эгаллаш учун бошқарув тажрибасига эга бўлишни истайди. Шу сабаб у АҚШга бориб, у ерда бироз тажриба тўпламоқчи.
Кьеллини жорий мавсумда «Ювентус» сафида 17 та ўйинда майдонга тушиб, гол ура олмади. Ҳимоячининг Турин клуби билан шартномаси 2023 йилнинг 30 июнига қадар мўлжалланган.