«Roma»ning chap qanot himoyachisi Leonardo Spinassolaga «Real» va «Atletiko Madrid» klublari qiziqish bildirmoqda. Ispaniya grandlari italiyalik orqali himoya chizig‘ini kuchaytirmoqchi.
Todofichajes nashri xabariga ko‘ra, Madridning «Real» klubi yozda jamoani tark etishni rejalashtirayotgan Marseloning o‘rniga Spinassola nomzodini ko‘rib chiqmoqda. «Atletiko» italiyalikning transferi orqali himoyadagi kamchiliklarni to‘ldirmoqchi.
Leonardo Spinassola 2019 yil iyulidan beri «Roma» safida to‘p suradi. Futbolchining transfer narxi 20 million yevro, himoyachining shartnomasi esa 2024 yilning yoziga qadar mo‘ljallangan.
Spinassola jarohati sabab o‘tgan yozdan beri maydonga tushmadi.
