Bild nashri tarqatgan xabarga ko‘ra, «Vest Xem» «Bavariya» hujumchisi Joshua Zirkzeega qiziqish bildirmoqda.
Hujumchi joriy mavsumni Belgiyaning «Anderlext» klubida ijara asosida o‘tkazmoqda va u barcha turnirlarda 38 ta o‘yinda maydonga tushib, 15 ta gol urdi va 9 ta golli uzatmani amalga oshirdi.
Zirkzeening Myunxen klubi bilan shartnomasi 2023 yilda yakuniga yetadi. «Bavariya» futbolchini o‘zida saqlab qolmoqchi emas, qolaversa, hujumchining o‘zi esa ham Bundesligaga qaytishni istamayapti.
Futbolchining transfer narxi 4,1 million funtga baholangan. Avvalroq «Vest Xem» bosh murabbiyi Devid Moyes 20 yoshli hujumchining rivojlanishini kuzatib borayotganini bir necha bor ta’kidlagan edi.
