Bild нашри тарқатган хабарга кўра, «Вест Хэм» «Бавария» ҳужумчиси Жошуа Зиркзеега қизиқиш билдирмоқда.

Ҳужумчи жорий мавсумни Бельгиянинг «Андерлехт» клубида ижара асосида ўтказмоқда ва у барча турнирларда 38 та ўйинда майдонга тушиб, 15 та гол урди ва 9 та голли узатмани амалга оширди.

Зиркзеенинг Мюнхен клуби билан шартномаси 2023 йилда якунига етади. «Бавария» футболчини ўзида сақлаб қолмоқчи эмас, қолаверса, ҳужумчининг ўзи эса ҳам Бундеслигага қайтишни истамаяпти.

Футболчининг трансфер нархи 4,1 миллион фунтга баҳоланган. Аввалроқ «Вест Хэм» бош мураббийи Дэвид Мойес 20 ёшли ҳужумчининг ривожланишини кузатиб бораётганини бир неча бор таъкидлаган эди.