Italiya havaskor jamoalaridan birining senegallik futbolchisi irqchilik qurboniga aylandi.

Corriere dello Sport nashrining xabar berishicha, shov-shuvli voqea Italiyaning «Lokomotiv» va «Sant-Andjelo-Limozano» jamoalari o‘rtasidagi o‘yinda yuz bergan.

Senegallik Lamine Sou vaziyatlarning birida raqib tomonidan qo‘pollik qilganidan so‘ng maydonga yiqildi, keyin esa raqib senegallik futbolchini irqchilik asosida haqoratlay boshladi. Souning ta’kidlashicha, raqib uni bir necha bor maymun deb atagan, buni barcha jamoadoshlari eshitgan.

Qayd etilishicha, shundan so‘ng «Lokomotiv»ning barcha futbolchilari maydonni tark etgan va endilikda jamoaga texnik mag‘lubiyat yozilishi kutilmoqda.