Италия ҳаваскор жамоаларидан бирининг сенегаллик футболчиси ирқчилик қурбонига айланди.
Corriere dello Sport нашрининг хабар беришича, шов-шувли воқеа Италиянинг «Локомотив» ва «Сант-Анджело-Лимозано» жамоалари ўртасидаги ўйинда юз берган.
Сенегаллик Ламине Соу вазиятларнинг бирида рақиб томонидан қўполлик қилганидан сўнг майдонга йиқилди, кейин эса рақиб сенегаллик футболчини ирқчилик асосида ҳақоратлай бошлади. Соунинг таъкидлашича, рақиб уни бир неча бор маймун деб атаган, буни барча жамоадошлари эшитган.
Қайд этилишича, шундан сўнг «Локомотив»нинг барча футболчилари майдонни тарк этган ва эндиликда жамоага техник мағлубият ёзилиши кутилмоқда.
