«Chelsi» himoyachisi Benjamin Chiluell yo‘lbars bilan arqon tortish o‘ynagan videosi uchun tanqidga uchradi, deb yozmoqda The Sun.

Ijtimoiy tarmoqlarda e’lon qilingan videoda Chiluell Floridadagi istirohat bog‘ida yo‘lbars bilan kurashayotgani, u yerda yirtqich go‘sht bog‘lanagan arqonning bir uchini panjara ichidan tishlagani, «Chelsi» himoyachisi esa qarama-qarshi yo‘nalishda uni tortayotgani aks etgan. 

Hayvonlarga shafqatsizlikning oldini olish bo‘yicha Britaniya Qirollik jamiyati (RSPCA) rasmiy bayonotida videoga salbiy munosabatda bo‘ldi.

Eslatib o‘tamiz, Chiluell 2021/2022 yilgi mavsumda Chempionlar ligasi guruh bosqichi 5-turi doirasida Turinning «Yuventus» klubiga qarshi o‘yinda (4:0) jarohat olgan edi. Futbolchining tizzasining xochsimon bog‘lami yirtilgani tashxisi qo‘yilgan.