«Челси» ҳимоячиси Бенжамин Чилуэлл йўлбарс билан арқон тортиш ўйнаган видеоси учун танқидга учради, деб ёзмоқда The Sun.
Ижтимоий тармоқларда эълон қилинган видеода Чилуэлл Флоридадаги истироҳат боғида йўлбарс билан курашаётгани, у ерда йиртқич гўшт боғланаган арқоннинг бир учини панжара ичидан тишлагани, «Челси» ҳимоячиси эса қарама-қарши йўналишда уни тортаётгани акс этган.
Ҳайвонларга шафқатсизликнинг олдини олиш бўйича Британия Қироллик жамияти (RSPCA) расмий баёнотида видеога салбий муносабатда бўлди.
Эслатиб ўтамиз, Чилуэлл 2021/2022 йилги мавсумда Чемпионлар лигаси гуруҳ босқичи 5-тури доирасида Туриннинг «Ювентус» клубига қарши ўйинда (4:0) жароҳат олган эди. Футболчининг тиззасининг хочсимон боғлами йиртилгани ташхиси қўйилган.
