«Everton»da ijara asosida o‘ynayotgan «Manchester Yunayted» yarim himoyachisi Donni van de Bek «mankunianliklar»ga yangi bosh murabbiy tayinlangani e’lon qilinganidan so‘ng, klubdagi kelajagi haqida qaror qabul qilishi mumkin, deb yozadi jurnalist Fabrisio Romano o‘zining tvitterdagi sahifasida.
Manbaga ko‘ra, van de Bek sobiq klubi «Ayaks»ning ustozi Erik ten Xagning tayinlanishi hal qiluvchi rol o‘ynashi mumkin.
Yarim himoyachi 2020 yildan buyon «Manchester Yunayted»da o‘ynamoqda, «Ayaks»dan 39 million yevro evaziga o‘tgan. Van de Bekning shartnomasi 2025 yilning iyunigacha amal qiladi.
«Everton» 24 yoshli van de Bekni qishki transfer oynasida mavsum oxirigacha ijaraga oldi. Yangi jamoadagi ikki uchrashuvda yarim himoyachi samarali harakatlari bilan ajralib turmadi. Uning «Manchester Yunayted» bilan shartnomasi 2025 yilda yakuniga yetadi.
