«Эвертон»да ижара асосида ўйнаётган «Манчестер Юнайтед» ярим ҳимоячиси Донни ван де Бек «манкунианликлар»га янги бош мураббий тайинлангани эълон қилинганидан сўнг, клубдаги келажаги ҳақида қарор қабул қилиши мумкин, деб ёзади журналист Фабрицио Романо ўзининг твиттердаги саҳифасида.
Манбага кўра, ван де Бек собиқ клуби «Аякс»нинг устози Эрик тен Хагнинг тайинланиши ҳал қилувчи роль ўйнаши мумкин.
Ярим ҳимоячи 2020 йилдан буён «Манчестер Юнайтед»да ўйнамоқда, «Аякс»дан 39 миллион евро эвазига ўтган. Ван де Бекнинг шартномаси 2025 йилнинг июнигача амал қилади.
«Эвертон» 24 ёшли ван де Бекни қишки трансфер ойнасида мавсум охиригача ижарага олди. Янги жамоадаги икки учрашувда ярим ҳимоячи самарали ҳаракатлари билан ажралиб турмади. Унинг «Манчестер Юнайтед» билан шартномаси 2025 йилда якунига етади.
