Italiya terma jamoasining sobiq futbolchisi, hozirda Turkiyaning «Adana Demirspor» klubida to‘p surayotgan Mario Balotelli o‘ziga yana bir tatuirovka chizdirdi, deb xabar beradi Goal.

Balotelli ko‘z ostiga «MB459» yozuvini chizdirdi.

«Inter», «Manchester Siti» va «Liverpul»ning sobiq futbolchisi allaqachon tanasining turli qismlarini bezab turgan bir qancha dizaynlarga ega. Ko‘zining tepasida «Qora kuch» so‘zlari, shuningdek, o‘ng yonog‘ida xoch va yuzining narigi tomonida burgut pati chizilgan edi.

Balotellining bo‘ynida gorilla yuzi va «M» harfi ham bor. O‘yinchi ko‘kragiga mo‘g‘ul qo‘mondoni Chingizxondan iqtibos yozgan. Bu tatuirovkada shunday deyilgan: «Men xudoning jazosiman. Agar katta gunohlar qilmaganingizda edi, Alloh taolo sizga men kabi jazoni yubormagan bo‘lardi».

Eslatib o‘tamiz, Mario Balotelli Italiya terma jamoasining Qatarda bo‘lib o‘tadigan JCH-2022 saralashi pley-off bosqichi uchun yakuniy arizasiga kiritilmagan, garchi u jamoa yig‘inida ishtirok etgan bo‘lsada.