"Manchester Yunayted" rahbariyati jamoaga yangi bosh murabbiy izlashda davom etmoqda.
Ma’lumotlarga ko‘ra, "Ayaks" bosh murabbiyi Erik ten Xag bilan suhbat yaxshi o‘tgan va har ikki tomonda ham muloqot yaxshi taassurot qoldirgan. Endi 52 yoshli mutaxassis “Manchester Yunayted” qarorini kutmoqda.
Luis Enrike esa "Yunayted" bilan ishlashdan bosh tortdi. U 2022 yilgi jahon chempionati oldidan Ispaniya terma jamoasiga muammo yaratmoqchi emas va butun e’tiborini terma jamoa bilan ishlashga qaratish niyatida.
Bugun Andalusiya klubida qolish niyatini e’lon qilgan "Sevilya" ustozi Xulen Lopetegi har doim "Manchester Yunayted"ning qisqa ro‘yxatida bo‘lgan, ammo bu lavozim uchun kurashda u hech qachon favorit bo‘lmagan.
