"Yuventus" yarim himoyachisi Federiko Bernardeski mavsum oxirida Turin klubini tark etadi, deb xabar beradi La Gazette Dello Sport.
Futbolchining "byankoneri"lar bilan shartnomasi joriy mavsum oxirigacha hisoblangan. Tomonlar kelishuvni uzaytirish borasida kelisha olmadilar.
Shu tariqa, manbaning xabariga ko‘ra, 28 yoshli italiyalik futbolchi erkin agent sifatida "Yuventus"ni tark etadi.
Avvalroq, Bernardeski yiliga 4 million yevrodan ko‘proq maosh olmoqchiligi (bonuslardan tashqari) haqida ma’lumotlar paydo bo‘lgandi. "Yuve" mavsumiga 3 million maosh bilan 3 yillik shartnoma taklif qilgan.
2021/22 yilgi mavsumda italiyalik futbolchi turinliklar safida 24 ta o‘yinda maydonga tushib, 1 ta gol va 6 ta golli uzatmaga mualliflik qilgan.