"Ювентус" ярим ҳимоячиси Федерико Бернардески мавсум охирида Турин клубини тарк этади, деб хабар беради La Gazette Dello Sport.

Футболчининг "бьянконери"лар билан шартномаси жорий мавсум охиригача ҳисобланган. Томонлар келишувни узайтириш борасида келиша олмадилар.

Шу тариқа, манбанинг хабарига кўра, 28 ёшли италиялик футболчи эркин агент сифатида "Ювентус"ни тарк этади.

Аввалроқ, Бернардески йилига 4 миллион евродан кўпроқ маош олмоқчилиги (бонуслардан ташқари) ҳақида маълумотлар пайдо бўлганди. "Юве" мавсумига 3 миллион маош билан 3 йиллик шартнома таклиф қилган.

2021/22 йилги мавсумда италиялик футболчи туринликлар сафида 24 та ўйинда майдонга тушиб, 1 та гол ва 6 та голли узатмага муаллифлик қилган.