O‘zbekiston yoshlar terma jamoasi (U21) Birlashgan Arab Amirliklarida o‘tkazilayotgan "Dubai Cup" musobaqasida ishtirok etib, 3ta o‘yinda 4 ochko jamg‘ardi. Jamoamiz bosh murabbiyi Temur Kapadze musobaqa haqidagi fikrlari bilan o‘rtoqlashdi.

"Bu ajoyib musobaqa bo‘ldi. Saudiya Arabistoni, Birlashgan Arab Amirliklari va Vyetnamga qarshi o‘yinlar biz uchun foydali bo‘ldi.

Vyetnam ham yaxshi shakllangan jamoa. Bu jamoani yaxshi murabbiy boshqarmoqda. Vyetnam hujumkor o‘yin namoyish etishga harakat qildi.

Biz ushbu turnirda yaxshi ishtirok etishimiz mumkin edi. Ammo turnirga tayyorgarlik ko‘rish uchun vaqtimiz kam bo‘ldi. Musobaqa uchun xorijda tayyorlana olmadik. Futbolchilar faqat milliy chempionatdagi o‘yinlarda ishtirok etishdi. Biz O‘zbekistonda o‘tadigan U-23 Osiyo chempionatiga yaxshi tayyorgarlik ko‘rishga harakat qilamiz", — dedi Kapadze.