Portugaliya terma jamoasining sobiq yarim himoyachisi Ruy Koshta bugun o‘zining 50 yoshini nishonlamoqda va Portugaliyaning Record nashriga bergan intervyusida u faoliyatidagi eng yomon damlarni aytib o‘tdi.
Koshtaning so‘zlariga ko‘ra, uning faoliyatidagi eng yomon payt - 2004 yilgi Yevropa chempionatining finalida Gresiya terma jamoasiga 0:1 hisobida imkoniyatni boy bergani bo‘lgan.
- Shubhasiz, Yevro-2004 mening futbolchilik faoliyatimdagi eng yomon lahzadir. 2005 yili "Milan" tarkibida Chempionlar ligasi "Liverpul" jamoasiga ham imkoniyatni boy berganmiz, boshqa finallarda ham yutqazganmiz, ammo bu greklarga qarshi mag‘lubiyat - eng yomoni. Menga o‘sha g‘alaba yetishmaydi, vaholanki, finalda g‘alaba qozonishga juda yaqin edik..., - dedi Koshta.
