Португалия терма жамоасининг собиқ ярим ҳимоячиси Руй Кошта бугун ўзининг 50 ёшини нишонламоқда ва Португалиянинг Record нашрига берган интервьюсида у фаолиятидаги энг ёмон дамларни айтиб ўтди.

Коштанинг сўзларига кўра, унинг фаолиятидаги энг ёмон пайт - 2004 йилги Европа чемпионатининг финалида Греция терма жамоасига 0:1 ҳисобида имкониятни бой бергани бўлган.

- Шубҳасиз, Евро-2004 менинг футболчилик фаолиятимдаги энг ёмон лаҳзадир. 2005 йили "Милан" таркибида Чемпионлар лигаси "Ливерпуль" жамоасига ҳам имкониятни бой берганмиз, бошқа финалларда ҳам ютқазганмиз, аммо бу грекларга қарши мағлубият - энг ёмони. Менга ўша ғалаба етишмайди, ваҳоланки, финалда ғалаба қозонишга жуда яқин эдик..., - деди Кошта.