Madridning «Atletiko» klubi Antuan Grizmanni to‘liq sotib olmaslik uchun ijara shartnomasini uzaytirmoqchi.
Fransiyalik hujumchining «matraschilar» bilan amaldagi ijara shartnomasi mavsum oxirigacha amal qiladi. Madridliklar Grizmanni 40 million yevroga sotib olish imkoniyatiga ega, biroq uning o‘rniga ijara muddatini yana bir yilga uzaytirmoqchi, deya xabar bermoqda Goal portali.
Agar ijara muddati uzaytirilsa, «Atletiko» yozda «Barselona»ga 40 million yevro to‘lamaydi. Shuni ham ta’kidlash kerakki, 31 yoshli fransiyalik futbolchi madridliklarning umumiy o‘yinlarining kamida 50 foizida ishtirok etsagina, 40 million evaziga sotib olish sharti majburiy bo‘ladi.
Antuan Grizmann joriy mavsumda «Atletiko» safida barcha turnirlarda 28 ta o‘yinda 8 ta gol urdi.
