Мадриднинг «Атлетико» клуби Антуан Гризманни тўлиқ сотиб олмаслик учун ижара шартномасини узайтирмоқчи.

Франциялик ҳужумчининг «матрасчилар» билан амалдаги ижара шартномаси мавсум охиригача амал қилади. Мадридликлар Гризманни 40 миллион еврога сотиб олиш имкониятига эга, бироқ унинг ўрнига ижара муддатини яна бир йилга узайтирмоқчи, дея хабар бермоқда Goal портали.

Агар ижара муддати узайтирилса, «Атлетико» ёзда «Барселона»га 40 миллион евро тўламайди. Шуни ҳам таъкидлаш керакки, 31 ёшли франциялик футболчи мадридликларнинг умумий ўйинларининг камида 50 фоизида иштирок этсагина, 40 миллион эвазига сотиб олиш шарти мажбурий бўлади.

Антуан Гризманн жорий мавсумда «Атлетико» сафида барча турнирларда 28 та ўйинда 8 та гол урди.