Portugaliyaning “Benfika” klubi Darvin Nunyesni 80 million yevroga sotishga tayyor.

22 yoshli hujumchiga "Tottenxem", "Manchester Yunayted" va "Arsenal" klublari qiziqish bildirmoqda. Londonning har ikki klubi, avvalroq xabar qilinganidek, urugvaylik futbolchining agenti bilan muzokara olib borgan.

O Jogo xabariga ko‘ra, "Benfika" o‘z yetakchisini sotishdan 80 million yevro ishlab olishga umid qilmoqda. Shu bilan birga, Nunyesning Lissabon klubi bilan shartnomasidagi tovon puli 150 million yevroni tashkil qiladi.

Darvin Nunyes 2021/22 yilgi mavsumda "Benfika" safida barcha musobaqalarda 33 ta o‘yinda 26 ta gol urdi. Shuningdek, Urugvay terma jamoasi safida 8 o‘yinda 2 ta gol urgan.