Португалиянинг “Бенфика” клуби Дарвин Нуньесни 80 миллион еврога сотишга тайёр.
22 ёшли ҳужумчига "Тоттенхэм", "Манчестер Юнайтед" ва "Арсенал" клублари қизиқиш билдирмоқда. Лондоннинг ҳар икки клуби, аввалроқ хабар қилинганидек, уругвайлик футболчининг агенти билан музокара олиб борган.
O Jogo хабарига кўра, "Бенфика" ўз етакчисини сотишдан 80 миллион евро ишлаб олишга умид қилмоқда. Шу билан бирга, Нуньеснинг Лиссабон клуби билан шартномасидаги товон пули 150 миллион еврони ташкил қилади.
Дарвин Нуньес 2021/22 йилги мавсумда "Бенфика" сафида барча мусобақаларда 33 та ўйинда 26 та гол урди. Шунингдек, Уругвай терма жамоаси сафида 8 ўйинда 2 та гол урган.
