Ispaniyaning «Valensiya» klubi rahbarlari portugaliyalik yarim himoyachi Gonsalu Gedeshning narxi borasida bir qarorga kelishdi.

Calciomercato nashri xabariga ko‘ra, «ko‘rshapalaklar» 25 yoshli portugaliyalik futbolchini sotishdan kamida 40 million yevro ishlab olishni rejalashtirmoqda. «Roma» Gedeshga asosiy da’vogar sanaladi, biroq Rim klubi portugaliyalik uchun bunchalik katta mablag‘ sarflamoqchi emas.

Eslatib o‘tamiz, joriy mavsumda Gonsalu Gedesh Ispaniya chempionatida 28 ta o‘yin o‘tkazib, 11 ta gol va 5 ta golli uzatmaga mualliflik qilgan.