Испаниянинг «Валенсия» клуби раҳбарлари португалиялик ярим ҳимоячи Гонсалу Гедешнинг нархи борасида бир қарорга келишди.

Calciomercato нашри хабарига кўра, «кўршапалаклар» 25 ёшли португалиялик футболчини сотишдан камида 40 миллион евро ишлаб олишни режалаштирмоқда. «Рома» Гедешга асосий даъвогар саналади, бироқ Рим клуби португалиялик учун бунчалик катта маблағ сарфламоқчи эмас.

Эслатиб ўтамиз, жорий мавсумда Гонсалу Гедеш Испания чемпионатида 28 та ўйин ўтказиб, 11 та гол ва 5 та голли узатмага муаллифлик қилган.