«River Pleyt» himoyachisi Fabrisio Anxileriga «Inter» klubi qiziqish bildirmoqda. Bu haqda Radio Continental xabar tarqatmoqda.
Manbaning ta’kidlashicha, "Inter" klubi rahbariyati 28 yoshli argentinalik futbolchini xorvatiyalik Ivan Pereshichga o‘rinbosar sifatida ko‘rmoqda. Chunki, Ivan Perishich bilan shartnoma shu yilning yozida tugaydi va yangi kelishuvga hali erishilmagan.
Qayd etilishicha, futbolchi Yevropa chempionatlarida o‘ynash tajribasiga ega bo‘lmagani uchun «Inter» Anxilerini almashtirish variantini ko‘rib chiqmoqda.
28 yoshli argentinalik futbolchining «River Pleyt» bilan shartnomasi shu yilning yozida yakuniga yetadi. Transfermarkt portali ma’lumotlariga ko‘ra, futbolchining transfer bozoridagi qiymati to‘rt million yevroni tashkil qiladi.
