«Ривер Плейт» ҳимоячиси Фабрицио Анхилерига «Интер» клуби қизиқиш билдирмоқда. Бу ҳақда Radio Continental хабар тарқатмоқда.
Манбанинг таъкидлашича, "Интер" клуби раҳбарияти 28 ёшли аргентиналик футболчини хорватиялик Иван Перешичга ўринбосар сифатида кўрмоқда. Чунки, Иван Перишич билан шартнома шу йилнинг ёзида тугайди ва янги келишувга ҳали эришилмаган.
Қайд этилишича, футболчи Европа чемпионатларида ўйнаш тажрибасига эга бўлмагани учун «Интер» Анхилерини алмаштириш вариантини кўриб чиқмоқда.
28 ёшли аргентиналик футболчининг «Ривер Плейт» билан шартномаси шу йилнинг ёзида якунига етади. Transfermarkt портали маълумотларига кўра, футболчининг трансфер бозоридаги қиймати тўрт миллион еврони ташкил қилади.
