«Liverpul» bosh murabbiyi Yurgen Klopp Karim Adeyemi bilan ishlashga umid qilmoqda.

20 yoshli hujumchi uchun kurashda favorit Dortmundning «Borussiya» klubi hisoblanadi va ular «Zalsburg» bilan anchadan beri muzokaralar olib bormoqda. Biroq Avstriya klubi rahbariyati Dortmunddan munosib taklif kutishdan charchagani xabar qilingan.

Bild nashrining xabariga ko‘ra, «Liverpul» klubi vaziyatdan unumli foydalanishi mumkin. Yurgen Klopp Adeyemini o‘z jamoasi safida ko‘rishni juda istamoqda.

Karim Adeyemi joriy mavsum «Zalsburg»ning 36 ta o‘yinida 19 ta gol urdi. Avstriyaliklar o‘z futbolchisining narxini 45 million yevroga baholamoqda.