«Ливерпуль» бош мураббийи Юрген Клопп Карим Адейеми билан ишлашга умид қилмоқда.

20 ёшли ҳужумчи учун курашда фаворит Дортмунднинг «Боруссия» клуби ҳисобланади ва улар «Залцбург» билан анчадан бери музокаралар олиб бормоқда. Бироқ Австрия клуби раҳбарияти Дортмунддан муносиб таклиф кутишдан чарчагани хабар қилинган.

Bild нашрининг хабарига кўра, «Ливерпуль» клуби вазиятдан унумли фойдаланиши мумкин. Юрген Клопп Адейемини ўз жамоаси сафида кўришни жуда истамоқда.

Карим Адейеми жорий мавсум «Залцбург»нинг 36 та ўйинида 19 та гол урди. Австрияликлар ўз футболчисининг нархини 45 миллион еврога баҳоламоқда.