Amsterdamning «Ayaks» klubi vingeri Antoniga Angliyaning «Manchester Siti» klubi qiziqish bildirmoqda.
22 yoshli braziliyalik futbolchiga «PSJ», «Yuventus» va «Bavariya» klublari qiziqish bildirishmoqda.
Tuttosport nashri xabariga ko‘ra, «Manchester Siti» Riyod Mahrezga o‘rinbosar sifatida «Ayaks» futbolchisini o‘z safiga qo‘shib olmoqchi.
«Ayaks» o‘z futbolchisining transferidan 60-70 million yevro atrofida mablag‘ ishlab olishni rejalashtirmoqda, bu esa, ba’zi xaridorlarni qo‘rqitib yubormoqda.
Antonining amsterdamliklar bilan shartnomasi 2025 yilgacha mo‘ljallangan.
