«Chelsi» markaziy himoyachisi Antonio Ryudiger Turinning «Yuventus» klubi bilan muzokaralar olib bormoqda.

29 yoshli germaniyalik futbolchining London klubi bilan shartnomasi 3 oydan keyin yakuniga yetadi. Uni «PSJ», «Real» va «Yuventus» erkin agent sifatida o‘z safiga qo‘shib olishni xohlashmoqda.

Calciomercato xabariga ko‘ra, turinliklar Ryudigerga yiliga 6 million yevro va bonuslar to‘lashga tayyor, futbolchi esa yiliga 10 million yevro maosh talab qilmoqda. Tomonlar kelisha olishmayapti, ammo "Yuventus" rahbarlari Germaniya terma jamoasi himoyachisini ishontirishda davom etmoqda.