Xalqaro futbol federasiyasining (FIFA) Rossiya terma jamoalari va klublarini xalqaro musobaqalardan chetlashtirish haqidagi qarorini qabul qilish oson bo‘lmadi.
Bu haqda FIFA kongressi yakunlari bo‘yicha o‘tkazilgan matbuot anjumanida tashkilot prezidenti Janni Infantino ma’lum qildi, deb xabar bermoqda «TASS».
«Dunyoda bo‘layotgan voqealar qayg‘uli. FIFA prezidenti sifatida so‘nggi to‘rt yil ichida men dunyodagi ko‘plab mojarolarni ko‘rdim. Odamlar azob chekmoqda, Halqaro hamjamiyat esa kerak bo‘lgan ishni qilmayapti. Biz buni qilishimiz kerak. Rossiya klublari va terma jamoalarining ishtirokini to‘xtatish - biz qabul qilishimiz kerak bo‘lgan qiyin qaror bo‘ldi.
«Rossiya bo‘yicha qaror bir oy oldin qabul qilingan. Rossiya futbol ittifoqi Sport arbitraj sudiga murojaat qilgan, biz sud qarorini kutmoqdamiz. Ko‘ramiz, keyin nima bo‘ladi», - deya qo‘shimcha qildi FIFA prezidenti.
