Халқаро футбол федерациясининг (ФИФА) Россия терма жамоалари ва клубларини халқаро мусобақалардан четлаштириш ҳақидаги қарорини қабул қилиш осон бўлмади.
Бу ҳақда ФИФА конгресси якунлари бўйича ўтказилган матбуот анжуманида ташкилот президенти Жанни Инфантино маълум қилди, деб хабар бермоқда «ТАСС».
«Дунёда бўлаётган воқеалар қайғули. ФИФА президенти сифатида сўнгги тўрт йил ичида мен дунёдаги кўплаб можароларни кўрдим. Одамлар азоб чекмоқда, Ҳалқаро ҳамжамият эса керак бўлган ишни қилмаяпти. Биз буни қилишимиз керак. Россия клублари ва терма жамоаларининг иштирокини тўхтатиш - биз қабул қилишимиз керак бўлган қийин қарор бўлди.
«Россия бўйича қарор бир ой олдин қабул қилинган. Россия футбол иттифоқи Спорт арбитраж судига мурожаат қилган, биз суд қарорини кутмоқдамиз. Кўрамиз, кейин нима бўлади», - дея қўшимча қилди ФИФА президенти.
