La Gazette du Fennec nashri xabariga ko‘ra, Jazoir futbol federasiyasi 2022 yilgi jahon chempionati saralash bosqichining Afrika qit’asining Kamerunga qarshi pley-off o‘yinini qayta o‘tkazish uchun FIFAga murojaat qilmoqchi. Jazoirliklar hakamning xatolari natijaga ta’sir qilgan deb hisoblab, hakamlarning harakatlaridan norozi bo‘lishdi. Qolaversa, g‘alaba to‘pi uchrashuvning asosiy vaqtiga qo‘shib berilgan 4-daqiqada kiritildi, shu sababli, Kamerun ushbu qarama-qarshilikda g‘alaba qozondi.
Youm7 xabariga ko‘ra, xuddi shunday so‘rov Misr futbol assosiasiyasi tomonidan berilgan. Ammo misrliklar Senegaldagi o‘yin tashkilotchilari borasida da’vo qilmoqda, chunki misrlik muxlislar va futbolchilar turli hujumlarga uchragan, Muhammad Salohga penalti tepish paytida tribunadan lazer ko‘rsatkichlari bilan halaqit qilingan va Misr milliy terma jamoasi taqdim qilingan avtobus haydovchisining sustligi tufayli stadionga o‘z vaqtida yetib kela olmagan.
