La Gazette du Fennec нашри хабарига кўра, Жазоир футбол федерацияси 2022 йилги жаҳон чемпионати саралаш босқичининг Африка қитъасининг Камерунга қарши плей-офф ўйинини қайта ўтказиш учун ФИФАга мурожаат қилмоқчи. Жазоирликлар ҳакамнинг хатолари натижага таъсир қилган деб ҳисоблаб, ҳакамларнинг ҳаракатларидан норози бўлишди. Қолаверса, ғалаба тўпи учрашувнинг асосий вақтига қўшиб берилган 4-дақиқада киритилди, шу сабабли, Камерун ушбу қарама-қаршиликда ғалаба қозонди.
Youm7 хабарига кўра, худди шундай сўров Миср футбол ассоциацияси томонидан берилган. Аммо мисрликлар Сенегалдаги ўйин ташкилотчилари борасида даъво қилмоқда, чунки мисрлик мухлислар ва футболчилар турли ҳужумларга учраган, Муҳаммад Салоҳга пенальти тепиш пайтида трибунадан лазер кўрсаткичлари билан ҳалақит қилинган ва Миср миллий терма жамоаси тақдим қилинган автобус ҳайдовчисининг сустлиги туфайли стадионга ўз вақтида етиб кела олмаган.
