«Chelsi» yarim himoyachisi Kallum Xadson-Odoi tez orada futbol fuqaroligini o‘zgartirib, Gana terma jamoasi a’zosiga aylanishi mumkin.

Ayni paytda futbolchi Angliya terma jamoasi futbolchisi sanaladi, biroq terma jamoa bosh murabbiyi Garet Sautgeyt Xadson-Odoini terma jamoaga chaqirmayotgani sababli, Kallum futbol fuqaroligini o‘zgartirish variantini ko‘rib chiqishga tayyor.

Xadson-Odoi avlodlari tufayli Gana terma jamoasiga chaqirilishiga va asosiy tarkibda o‘ynashiga ishonmoqda. Biroq, yagona to‘siq - Kallum Angliya terma jamoasining 3 ta rasmiy uchrashuvida maydonga tushdi, bu fuqarolikni o‘zgartirish tartibiga xalaqit berishi mumkin.

Yaqinda Gana terma jamoasi Qatarda bo‘lib o‘tadigan jahon chempionatiga yo‘llanma oldi va bu 22 yoshli yarim himoyachining e’tiborini yanada tortdi.