«Челси» ярим ҳимоячиси Каллум Хадсон-Одои тез орада футбол фуқаролигини ўзгартириб, Гана терма жамоаси аъзосига айланиши мумкин.
Айни пайтда футболчи Англия терма жамоаси футболчиси саналади, бироқ терма жамоа бош мураббийи Гарет Саутгейт Хадсон-Одоини терма жамоага чақирмаётгани сабабли, Каллум футбол фуқаролигини ўзгартириш вариантини кўриб чиқишга тайёр.
Хадсон-Одои авлодлари туфайли Гана терма жамоасига чақирилишига ва асосий таркибда ўйнашига ишонмоқда. Бироқ, ягона тўсиқ - Каллум Англия терма жамоасининг 3 та расмий учрашувида майдонга тушди, бу фуқароликни ўзгартириш тартибига халақит бериши мумкин.
Яқинда Гана терма жамоаси Қатарда бўлиб ўтадиган жаҳон чемпионатига йўлланма олди ва бу 22 ёшли ярим ҳимоячининг эътиборини янада тортди.
