«PSJ» himoyachisi Ashraf Hakimi «Real» klubiga qaytishni orzu qilayotgani haqida Defensa Central xabar tarqatmoqda.

Hakimi jamoadoshi Kilian Mbappedan o‘rnak olishni maqsad qilgan. Himoyachisi sobiq jamoasiga qaytishni orzu qiladi, chunki uni "PSJ" klubi qoniqtirmayapti.

Hakimi Zinedin Zidan boshchiligida "Real"ning asosiy tarkibidan joy ololmagandi va 2018 yilda Dortmundning «Borussiya»siga ikki yilga ijaraga yuborildi. Keyin himoyachi mavsumni yaxshi o‘tkazgan «Inter»ga yo‘l oldi, ammo milanliklar klubi moliyaviy muammolar tufayli uni «PSJ»ga sotishga majbur bo‘ldi.

Hakimi jamoa ichida yuzaga kelgan bir nechta guruhlardan qoniqish hosil qilmayapti va kiyinish xonasidagi muhit unchalik sog‘lom emas.

Hozir himoyachi «Real»ga o‘tmoqchi ekanligini yashirmayapti. Biroq avvalroq «Qirollik klubi» bunday imkoniyatdan hozircha voz kechayotgani xabar qilingandi.