Rimning «Lasio» klubi bosh murabbiyi Maurisio Sarri kuni kecha klub rahbariyati bilan uchrashdi va unda yozgi mavsum oralig‘ida unga kerakli transferlarni kafolatlashni talab qildi.

Eslatib o‘tamiz, avvalroq murabbiy va rahbariyat o‘rtasida yanvardagi muvaffaqiyatsiz transfer kampaniyasi tufayli mojaro kelib chiqqandi.

Calciomercato nashri xabariga ko‘ra, «Lasio» rahbariyati klubning so‘nggi o‘yinlarda ko‘rsatayotgan natijalaridan norozi. Bu, ayniqsa, «Lasio»ning yaqinda Rim derbisida «Roma»ga yirik 0:3 hisobida imkoniyatni boy bergani bilan bog‘liq.

Shu bilan birga, klub Sarriga 2025 yilgacha mo‘ljallangan yangi shartnoma taqdim etishga tayyor, biroq manbaga ko‘ra, murabbiy hali uni imzolashga ishtiyoqi yo‘q. Italiyalik murabbiy vaziyatga baho berish va qaror qabul qilish uchun mavsum yakunlanishini kutmoqchi.